Farsældarsáttmálinn

Farsældarsáttmálinn er verkfæri sem gerir foreldrum og öðrum sem koma að degi barnsins kleift að ræða sín á milli og setja niður ákveðin viðmið eða gildi sem þeim finnast mikilvæg til þess að styðja við þroska og farsæld allra barna í nærsamfélaginu.

Verkfærakista Farsældarsáttmálans

Um Farsældarsáttmálann

Farsældarsáttmálinn kom út haustið 2023 eftir viðamikið samtal við foreldra og skólakerfið um land allt þar sem fram kom ákall um endurvakningu foreldrastarfs og valdeflingu foreldra.
‍
Yfir 1.000 tillögum var safnað til þess að kortleggja megináherslur foreldra og annarra til þess að stuðla að vellíðan og farsæld allra barna en þemagreindar niðurstöður má finna í bæklingnum Umræðuefni. Þær má nota sem kveikjur til umræðna við fyrirlögn Farsældarsáttmálans.
‍
Rannsóknir hafa sýnt fram á forvarnargildi samstíga foreldrahóps auk þess sem foreldrar gegna mikilvægu hlutverki að styðja við og stuðla að góðri menningu innan barnahópsins. Farsældarsáttmálinn gefur foreldrum tækifæri til þess að forma samstarf sín á milli og styrkja foreldrastarfið.

Bóka fræðslu

Fyrirlögn

Boðið er upp á þrjár útfærslur þegar kemur að því að leggja Farsældarsáttmálann fyrir.
‍

Gerum þetta sjálf. Allt efni Farsældarsáttmálans er aðgengilegt á rafrænu formi í verkfærakistunni og prentefnið má nálgast á skrifstofu Heimilis og skóla, Skeifunni 19 að kostnaðarlausu. Stuðningsefni verkfærakistunnar ætti að nýtast öllum sem vilja leggja Farsældarsáttmálann fyrir sjálfir í sínu nærsamfélagi.
‍
Fyrirlögn í streymi. Hægt er að bóka sérfræðinga Heimilis og skóla til að kynna Farsældarsáttmálann, vinnulag og veita handleiðslu við fyrirlögnina rafrænt fyrir foreldrahópinn í upphafi vinnustofunnar. Hópurinn sér sjálfur um umræður og undirritun sáttmálans. Kostnaður er skv. fræðslugjaldskrá Heimilis og skóla.
‍
Fyrirlögn á staðnum. Hægt er að bóka sérfræðinga Heimilis og skóla til að stýra vinnustofunni, kynna Farsældarsáttmálann og leiða hópinn gegnum fyrirlögnina. Kostnaður miðast við staðsetningu, tímasetningu og stærð hópa. Bókanir sendist á bokanir@heimiliogskoli.is

Bóka fræðslu

Endurreisn foreldrastarfs eftir heimsfaraldur

Farsældarsáttmálinn er hluti af stærra verkefni sem gengur undir nafninu Endurreisn foreldrastarfs í þágu farsældar barna. Heimili og skóli skrifaði undir viðamikinn samning við Mennta- og barnamálaráðuneytið í upphafi árs 2023 um verkefnið sem miðar að því að efla foreldrastarf, virkja og valdefla foreldra og styðja við innleiðingu laga um samþættingu þjónustu í þágu farsældar barna nr.86/2021. Lesið meira um baksögu verkefnisins með því að ýta hér.

Bóka fræðslu

Gerast meðlimur í Heimili og skóla

Vertu virkur félagi í Heimili og skóla – landssamtökum foreldra.

Með því að gerast félagi styður þú við bakið á foreldrum um allt land, útgáfu á fjölbreyttu efni og færð afslátt af námskeiðum og viðburðum samtakanna.

Skráðu þig núna

Lesa meira