Eftirtalin atriði komu fram á fræðslufundi fyrir foreldra barna með umsjónarkennurum í 5. bekk (10 ára nemendur) í skóla einum í Reykjavík, þegar foreldrar unnu saman í litlum hópum við að svara eftirfarandi spurningu:

Hvað skiptir mestu máli að krakkarnir ykkar viti og geti þegar þeir verða fullorðnir?

• Að þeir geti tjáð sig.
• Að þeir geti unnið með öðrum.
• Að þeir geti aflað sér upplýsinga.
• Að þeir hafi skapandi hugsun.
• Að þeir kunni að meta muninn á réttu og röngu.
• Að þeir verði heiðarlegir.
• Að þeir verði sjálfstæðir einstaklingar.
• Að þeir geti sýnt frumkvæði.
• Að þeir hafi náð góðri lífsleikni.
• Að þeir geti tekið tillit til annarra.
• Að þeir kunni að velja og hafna.
• Að þeir verði sjálfsgagnrýnir, á jákvæðan uppbyggjandi hátt.
• Að þeir verði hamingjusamir.
• Að þeir verði læsir.

Eigi börnin að tileinka sér þessa færni þurfa foreldrar að sinna uppeldinu vel og leita eftir samstarfi við kennara um ýmsa þætti.