Gátlisti fyrir foreldraráð
- Skoða fjárhagsáætlun sveitarfélagsins og bera saman framlög til skólamála miðað við aðra málaflokka og miðað við framlög annarra sveitarfélaga að svipaðri stærð. Bera einnig saman framlög til skóla innan sveitarfélagsins
- Lesa grunnskólalög, reglugerðir og reglur um skólahald frá menntamálaráuneytinu og bera saman við áætlanir sveitarfélags
- Lesa skólanámskrá og bera saman við aðalnámskrá og grunnskólalög. Skila umsögn um skólanámskrá til skólastjóra og skólanefndar
- Fara yfir skóladagatal, aðgæta hvort skóladagatal er samræmt milli allra leik- og grunnskóla í sveitarfélaginu. Senda umsögn um skóladagatal til skólastjóra og skólanefndar
- Fara yfir stundaskrár (tímamagn sbr. Aðalnámskrá) og aðrar áætlanir skólans
- Skoða niðurstöður kannana og samræmdra prófa og fá skýringar hjá skólastjóra
- Skoða skólahúsnæði, tækjakost skólans, bókasafn og annan búnað sem og almennan aðbúnað nemenda
- Skoða mötuneyti og matseðla, fá upplýsingar um hve margir kaupa mat og hvetja til þess að viðhorf nemenda og foreldra til matarmála sé kannað reglulega
- Skoða húsnæði og dagskrá heildagsskólans, fá upplýsingar um starfmannahald heildagsksólans sem og nýtingu og ánægju með þjónustuna.
- Skoða íþróttaaðstöðu. Kanna hvernig gæslu í sturtum er háttað í leikfimi og sundi
- Spyrja út í starfsmannastefnu, starfsmannahald og endurmenntunaráætlun skólans
- Spyrja út í eineltisstefnu, áfallaáætlun og forvarnir
- Fara yfir stöðu valgreina í unglingadeild og framboð á félagsstarfi fyrir alla nemendur
- Fá upplýsingar um sjálfsmatsáætlun skólans, fylgjast með framgangi hennar sem og niðurstöðum kannanna sem gerðar eru í tengslum við sjálfsmat
- Kynna sér stefnu skólans um samstarf heimila og skóla sem og upplýsingagjöf til foreldra
- Heimsækja skólann á skólatíma
- Tala við og hlusta eftir röddum foreldra, nemenda, kennara og annarra starfsmanna
- Kynna sér skólaakstur t.d. með því að fara í skólabílnum. Skoða ferðir til og frá sundi, athuga hver fylgir börnunum sem og hver annast sturtugæslu
- Koma með tillögur til úrbóta um það sem betur má fara ef þörf krefur