Fréttir

11.01.2010 | Á döfinni

Samræmd próf í 4., 7. og 10 bekk haustið 2010

Tilkynnt hefur verið um dagsetningar samræmdra könnunarprófa í 4., 7. og 10 bekk haustið 2010.

Verða prófin sem hér segir:

10. bekkur:

Íslenska - mánudagur 20. september

Enska - þriðjudagur 21. september

Stærðfræði - miðvikudagur 22. september

 

4. og 7. bekkur:

Íslenska - fimmtudagur 23. september

Stærðfræði - föstudagur 24. september

 

Ákvörðun um prófdaga samræmdra könnunarprófa haustið 2010 var tekin í samráði við Námsmatsstofnun sem sér um framkvæmd prófanna. Reglugerð um fyrirkomulag og framkvæmd samræmdra könnunarprófa er aðgengileg á heimasíðu menntamálaráðuneytisins.

Nánari upplýsingar um prófin, svo sem tímasetningar, verður að finna í framkvæmdahefti og á vefsíðu Námsmatsstofnunar þegar nær dregur prófunum.

Tilgangur samræmdra könnunarprófa í grunnskólum er meðal annars að athuga að hvaða marki námsmarkmiðum aðalnámskrár í viðkomandi námsgrein eða námsþáttum hafi verið náð, vera leiðbeinandi um áherslur í kennslu fyrir einstaka nemendru og veita nemendum, foreldrum og skólum upplýsingar um námsárangur og námsstöðu nemenda.

Í lögum um grunnskóla nr. 91/2008 er kveðið á um að samræmd könnunarpróf í íslensku og stærðfræði skuli lögð fyrir alla nemendur í 4. og 7. bekk grunnskóla. Jafnframt er kveðið á um að nemendur 10. bekkjar skuli á fyrri hluta skólaársins þreyta samræmd könnunarpróf í íslensku, ensku og stærðfræði.

Til baka